2016ko Gartxot Eguna badator
urtarrilak 16 larunbata
Larunbatean, goizeko 10etan kobara
irtenaldia eginen dugu, urtero bezala, euria, elurra, hodeiak edo eguzia
lagunduta. Goizeko 11etan, Itzaltzun bertan jarriko dugun
karpan haurrentzako dantza eta joku tailerrak egonen dira. Eguerdian,
15etan, bazkari autogestionatua egonen da karpan. Arratsaldean,
18etan, Ezkarotzen,
Amama filmaren emanaldia izanen dugu Ibar Etxean. 20etan
Itzaltzun (karpan),
Amaren Alabak taldearen kantaldiak afarirako giroa berotuko du. 21etan hasiko gara afaltzen eta ondoren,
Gathübi eta Xutik taldeen kontzertuetaz gozatzeko aukera izanen
dugu….goizalderarte noski!
urtarrilak 17 igandea
Igandean, batzuk bestondoarekin egon arren,
jaiak jarraituko du. 11etan Otxandategiko
joaldun eta txistuen kalejira izanen dugu Itzaltzun barna eta 11,30etan haurren emanaldia, larunbatean
ikasitakoa erakutsiko digute. 12etan
hamaiketako-bazkaria,14etan Xendarinen Ahizpen kantaldia eta 15,30etan Gartxot Ekimenaren ibilbideren bideo
txikitxo bat ikusteko aukera izanen dugu. Ondoren, agurrak.
No hay comentarios:
Publicar un comentario