2016 XVII. ESPARTINEN MARTXA

martes, 1 de octubre de 2013

Euskaltzaleen bilera Burgin


Lagun euskaltzale hori:

Honen bidez, AEK-k eta Euskara Zerbitzuak dei egiten dizuegu ostiral honetan, hilak 4, 20:00etan hasita, Petrotx tabernan egingo den bilerara:

Gaiak:

- “Euskaraz bizi nahi dut” herri-lasterketa
- Euskaltegi berriaren inaugurazioa


Herri-lasterketa

Iazko irailean, Kontseiluak deituta eta “Euskaraz bizi nahi dut” dinamikaren baitan, herri-lasterketak antolatu ziren 50 herritan. Ekimenaren helburua zen euskaraz bizitzeko nahia agertzea eta euskaraz lasterka egitea familia eta lagun giroan. Gogoratuko zaretenez, Erronkaribarren irailaren 22an egin genuen, Gardetik Erronkarira korrika eginez, eta guztira 70 lagun inguru elkartu ginen. Bukaeran, zozketa egin eta haurrentzako berbena izan zen. Aurten, Kontseiluak dinamika bera proposatu duenez, aztertu behar dugu zer egin.


Euskaltegi berria

Ikasturte honetan,  Erronkariko udalaren erabakiari esker, Euskaltegia lekuz aldatu eta Erronkariko udaletxeko areto batean egokituko da. Hala, AEK-k zein ikasleek baldintza egokietan jardun ahalko dute eta Euskaltegiak behar duen erreferentzialtasuna lortuko du. Bestalde, matrikulazioei dagokienez, gorakada handia izan da eta hiru talde osatu dira. Biak ala biak ospatu beharreko berri onak direnez, ekitalditxo bat prestatzea pentsatu dugu.


No hay comentarios:

Publicar un comentario