Iñaki de Miguel Layana
keben gaude
nous sommes là
aquí estamos
ura lurraren azpian
eta lurra harriaren azpian
eta harria eskuaren azpian
esku ororen azpian
eta eskuen gainetik hitza
hitz motza
hitz garbia
bat egiten gaituen hitza
lur bera lantzen dugunoi
ur bera edaten dugunoi
aire bera arnasten dugunoi
hau airean idatzitako
hitzarmena bait da
eta nola ezabatu airean
idatzitako zerbait?
nola ezabatu izarren
dizdira
edo ilargiaren argia?
zuhaitz bereko adarrak gara
baso bereko zuhaitzak
eta mendi bereko basoak
keben gaude
nous sommes là
aquí estamos
eta hemendik erraten
dizuegu
arretaz begira gaitzazue
arropa zaharren atzean
argazki postalen atzean
udako txangoen atzean
liburu etnografikoen atzean
paisai ororen atzean
piriniotako herritarrak gaude
isilune eta tximistetan
zuhaitz eta haitzetan
izotz eta haizeetan adituak
urtero gaurko egunean
honaino igoarazten
gaituztenak
erran ahal izateko
keben gaude
nous sommes là
aquí estamos
eta baita hemen
egoten jarraitu nahi dugula
No hay comentarios:
Publicar un comentario