Larraineko Udalan

ESKER ANITX LARRAINE

Jean Marc Bengoetchea Jauna, herriko auzapeza, eta ekitaldi honetara etorri zareten Larraineko guziak, eguerdion eta izan onki.

Zuek prestatu  diguzuen harrera hau Kebenko Elkartearentzat ohore handi bat denez, Erronkariar guzien partetik esker anitx.

Aurten, Kebenko Elkarteak XV. Espartinen Martxaren antolaketa burutuz Larraineraino oinez etorri ziren enarak omendu nahi izan ditu. Erronkariar gazte haiek Betzula eta Arrakagoiko lepoak zeharkatu ondoren, Larrainera eta Santa Grazira jaisten ziren eta hurrengo kamio zaharretan Maulera abiatzen ziren. Xiberuako hiriburuan neguko hilabeteak pasatzen zituzten espartinen lantegietan.

Nahiz eta urteroko joan etorri haiek amaitu, garai haietako oroimenak guregan bizirik daude eta gaur oroigarri bat emanez, Larraine eta Santa Graziko jendeak enarei emandako laguntza eskertu nahi dizuegu. Esker anitx emandako laguntzatik

Bide batez Erronkari eta Larraine herrien arteko loturak indartu nahi genituzke eta hemendik aurrera zubiak eraiki gure harremanak hurbilagoak izan daitezen.. Banatzen gaituzten Pirinioetako harresiak apurtu behar ditugu, elkartzen gaituzten lokarriak lotuz. Hala bedi !!!

Fuimos recibidos en el Ayuntamiento de Larraine  donde  fuimos obsequiados con un pequeño lunch.  Kebenko además de agradecer al pueblo de Larraine la atención y ayuda que prestaron a los golondrinas que venían de Uztarroze y Zaraitzu,  animó al ayuntamiento a establecer relaciones culturales con Erronkari. Con motivo de la celebración de la XV. marcha de la Espartina, Kebenko hizo entrega de una placa  conmemorativa al pueblo de Larrain.