Euskaldunak gara!
Belaunaldi berriek testigua hartu eta
borroka berean jarraitu dutela erantsi zuen, eta horrek izugarri balio duela.
Horrek ekarri du ikastolen 50. urteurrena eta Oinez ospatzea. «Ez dezagun
ahantzi: euskaldunak gara!» garrasi egin zuen orain aitatxi den San Fermin
ikastolaren sustatzaileak, eta txaloka moztu zuen jendeak. «Bukatzera noa,
hunkitzen ari naiz-eta... –baina ez zegoen bukatzeko–. Hau amets bat da eta ez
gara hasi bertzerik egin. Tsunami bat izanen da...». Irribarrez entzuten zioten.
Jada ez daudenak oroitu eta atzokoa ikusita nola gozatuko zuten aipatu zuen:
«Nork erranen zuen...».
Bere antzera, Etxenike ere mintzatzeko
grinaz zegoen. «Kontuz, zuen gogoaren kontrako proportzioan joan daiteke nirea
hazten...», abisatu zuen. Aita baztandarra eta ama andereñoa izana, proiektua
eta parajea hurbil-hurbilekoak ditu zientzialariak. Lehenengo lerroan zen Uxue
Barkosi begiratu eta zera kontatu zuen: «Aurreko Gobernuko kideei esan nien,
baina ez zidaten ulertu, gure euskara den lingua navarrorum horrek kezkatzen
nauela. Guk galtzen badugu, denek galduko dutelako betirako. Orain kezka hori
txikiagoa da. Badugu euskaraz dakien lehendakari bat». Bertan zen Carlos
Garaikoetxearentzat ere hitz onak bertzerik ez zituen izan.
«Zerbait banaiz Euskal Herriko seme
naiz» nabarmendu eta, poesia eta zientzia batuz, olatuek ere beren edertasuna
aurretik joan direnei zor dietela agertu zuen.
No hay comentarios:
Publicar un comentario